Shingada dhokala

साहित्य - दोन वाट्या शिंगाड्याचे पीठ, एक वाटी भाजलेल्या दाण्याचा कूट, दोन वाट्या ताक, मीठ, मिरची, आले, जिरे, खाण्याचा सोडा आणि थोडे तूप.
कृती - सकाळी शिंगाड्याच्या पिठात ताक घालून भिजत ठेवावे. दोन-तीन तासांनी त्यामध्ये चवीनुसार मीठ, वाटलेल्या मिरच्या, आले, जिरे सोडा घालून हाताने चांगले मळून घ्यावे. नंतर एका चपट्या भांड्याला तुपाचा हात लावून त्यात पीठ घालावे. कुकरमधून अर्धा तास वाफवून घ्यावे. जरा गार झाल्यावर त्याच्या वड्या पाडाव्यात.